Ziya Bünyadov prospektindəki obyektdə baş verən yanğının söndürülməsi istiqamətində işlər davam edir

Bakı şəhərinin Nərimanov rayonunda, Ziya Bünyadov prospektində yerləşən obyektdə baş vermiş yanğınla əlaqədar Fövqəladə Hallar Nazirliyinin (FHN) qüvvələri tərəfindən mübarizə tədbirləri davam etdirilir.

Bu barədə "Stabil.az"a FHN-in mətbuat xidmətindən məlumat verilib.

Məlumata görə, küləkli hava şəraiti yanğının söndürülməsi prosesini çətinləşdirsə də, ərazinin bütün perimetri üzrə alovlara qarşı intensiv müdaxilə həyata keçirilir.

Yanğının söndürülməsi məqsədilə əraziyə FHN-in kifayət qədər texnikası və şəxsi heyəti cəlb olunub.

Hadisə ilə bağlı əlavə məlumat veriləcək.

Stabil.Az