Yaponiyada qar son 18 gündə 45 nəfərin ölümünə səbəb olub

Yaponiyada yanvarın 20-dən yağan güclü qar nəticəsində ölənlərin sayı 45 nəfərə çatıb.

“Stabil.az” xəbər verir ki, bu barədə ölkənin Yanğından Mühafizə və Xilasetmə Agentliyinin saytında dərc olunmuş statistika göstərir.

Qış mövsümünün əvvəlindən bəri qarla əlaqədar ümumilikdə 65 nəfər həlak olub.

Ən çox ölüm Niiqata prefekturasında (17) və Akita prefekturasında (8) qeydə alınıb. Hokkaydo, Yamaqata və Aomori prefekturalarında hər birində 5 nəfər ölüb.

Qar yağışı nəticəsində 540 nəfər xəsarət alıb, onlardan 187-nin vəziyyəti ağırdır.

Sinoptiklərin proqnozuna görə, qar yağışı həftəsonu boyunca, o cümlədən fevralın 8-də keçiriləcək parlamentin əsas aşağı palatasına seçkilər günü də davam edəcək.

Stabil.Az