WUF13 tədbirinə 20 min iştirakçı qeydiyyatdan keçib

Ümumdünya Şəhərsalma Forumunun 13-cü sessiyasında iştirak etmək üçün 174 ölkədən ümumilikdə 20 000 nəfər qeydiyyatdan keçib.

"Stabil.az" bu barədə WUF13 Azərbaycan Əməliyyat Şirkətinə istinadən xəbər verir.

Xatırladaq ki, WUF13 mayın 17-22-də Bakıda keçiriləcək. Bu mötəbər tədbir Azərbaycanın BMT-nin Məskunlaşma Proqramı (UN-Habitat) ilə sıx əməkdaşlığı çərçivəsində təşkil olunur. Forumun əsas məqsədi dayanıqlı şəhərsalma, "ağıllı şəhər"lər və innovativ şəhər həlləri sahəsində qlobal təcrübələrin mübadiləsini təmin etməkdir.

Stabil.Az