Vens: İran razılaşmanı pozarsa, hərbi əməliyyatlar yenidən başlaya bilər

Vaşinqton Tehran razılaşmaya əməl etməzsə, İrana qarşı zərbələrin bərpa olunacağını və dəniz blokadasının yenidən tətbiq edilə biləcəyini bildirib.

"Stabil.az" xəbər verir ki, bu barədə Vitse-prezident Cey. Di. Vens “Fox News” telekanalına müsahibəsində ABŞ-nin belə addımlar atmasının mümkün olub-olmaması ilə bağlı suala cavab verərkən danışıb.

“Bu, mümkündür və blokadaya qayıdış demək ola bilər. Bu, bir çox variantları ehtiva edə bilər”, – deyə Vens bildirib.

Vitse-prezident qeyd edib ki, ABŞ bu məsələdə atılacaq addımları özü müəyyən edəcək.

“Bütün seçimlər bizim ixtiyarımızdadır. Əgər onlar razılaşmalara əməl etməsələr, hansı tədbirlərin görüləcəyinə biz qərar verəcəyik”, – deyə o vurğulayıb.

Stabil.Az