Venesuelaya humanitar yardımla dolu iki Meksika gəmisi yola düşüb

Meksika hökuməti zəlzələdən zərər çəkmiş Venesuela sakinlərinə yardım məqsədilə Hərbi Dəniz Qüvvələrinə məxsus iki humanitar yardım gəmisini yola salıb.

"Stabil.az"ın məlumatına görə, bu barədə Meksika Xarici İşlər Nazirliyi və Hərbi Dəniz Qüvvələri Nazirliyinin birgə bəyanatında bildirilib.

"Prezident Klaudiya Şeynbaumun Venesuela Respublikasına humanitar yardımın çatdırılması ilə bağlı göstərişlərinə uyğun olaraq, "İsla Holbox" və "Huasteco" logistika gəmiləri bu gün təxminən 2 003 kubmetr ərzaqla yola düşüb", - bəyanatda deyilir.

Humanitar yardıma butulka suları, şəxsi gigiyena vasitələri və dərman daxildir. Bundan əlavə, saatda 1 000 litr tutumlu dörd su təmizləyici qurğu və onların işçi heyəti Venesuelaya göndərilib.

Dəniz keçidinin altı gün davam edəcəyi gözlənilir.

Ötən həftənin əvvəlində Meksika həmçinin Venesuelaya səkkiz elektrik generatoru daşıyan təyyarə göndərib.

Stabil.Az