Ukrayna dəniz dronları ilə işğal altındakı Yaltanı hədəfə alıb

Ukrayna avqustun 7-də işğal altındakı Yaltaya dəniz pilotsuz aparatları ilə hücum edib və nəticədə sahilboyu ərazidə güclü yanğın yaranıb.

"Stabil.az" bu barədə "RBK-Ukrayna"ya istinadən xəbər verir.

Şahidlərin məlumatına görə, liman ərazisində atəş səsləri eşidilib. Bundan sonra sahilboyu ərazidə güclü yanğın başlayıb.

"Partlayış olmayıb. Bu, mobil atəş qruplarının fəaliyyətinin nəticəsi ola bilər", - məlumatda bildirilir.

Daha əvvəl şəhər sakinləri və qonaqlarına heyətsiz katerlərin hücum təhlükəsi barədə xəbərdarlıq edilib, bundan sonra insanların çimərliklərdən və sahilboyu ərazidən təcili təxliyəsi təşkil olunub.

Stabil.Az