TÜRKPA ATƏT PA-da müşahidəçi statusuna doğru addım atır

Vyanada keçirilən görüşdə parlamentlərarası əməkdaşlığın genişləndirilməsi məsələləri diqqət mərkəzində olub

"Stabil.az" TÜRKPA-ya istinadən xəbər verir ki, görüş zamanı TÜRKPA-nın ATƏT PA-da müşahidəçi statusu əldə etməsi, eləcə də bu istiqamətdə üzv dövlətlər tərəfindən göstərilə biləcək dəstək məsələləri müzakirə edilib.

Bununla yanaşı, TÜRKPA-nın yaxın gələcəkdə ATƏT-in Xarici İşlər Nazirləri Şurasının toplantısında iştirak perspektivi də nəzərdən keçirilib.

Səfir Rövşən Sadıqbəyli Azərbaycanın ATƏT yanında daimi nümayəndəliyi adından TÜRKPA-nın ATƏT, eləcə də ATƏT PA ilə əməkdaşlıq prosesinə mümkün dəstəyi göstərməyə hazır olduqlarını bildirib.

Stabil.Az