Türkiyənin müdafiə naziri: Türkiyə qoşunlarının Suriyadan çıxarılması gündəmdə deyil

Türkiyə qoşunlarının Suriyanın şimalında aparılan antiterror əməliyyatları zonasından çıxarılması məsələsi hazırda gündəlikdə deyil. Bu barədə Türkiyənin milli müdafiə naziri Yaşar Güler bildirib.

"Stabil.az" xəbər verir ki, nazir bəzi media orqanlarında “Suriya Demokratik Qüvvələri”nin Suriya hökumət qüvvələrinə inteqrasiyası ilə bağlı razılaşma fonunda Türkiyə Silahlı Qüvvələrinin ölkə ərazisindən çıxarılacağına dair yayılan məlumatlara münasibət bildirib.

Yaşar Güler qeyd edib ki, Türkiyə Silahlı Qüvvələrinin ölkə hüdudlarından kənarda yerləşdirilməsi ilə bağlı qərarlar yalnız dövlət səviyyəsində qəbul edilir:
“Hazırkı mərhələdə gündəlikdə belə bir məsələ yoxdur. Heç bir qərar qəbul edilməyib”, – deyə nazir vurğulayıb.

Türkiyə daxilində aparılan antiterror əməliyyatlarına da toxunan Güler bildirib ki, ölkə ərazisində terrorçu qruplaşmaların fəaliyyətində artım qeydə alınmayıb. Onun sözlərinə görə, Türkiyə istənilən ssenariyə hazırdır və alternativ fəaliyyət planları mövcuddur.

Stabil.Az