Si Cinpin: Tayvanla bağlı səhv addım münaqişəyə yol aça bilər

Çin Sədri Si Cinpin bildirib ki, Tayvan məsələsinin həllinə yanlış yanaşma ABŞ və Çin arasında birbaşa qarşıdurmaya səbəb ola bilər.

"Stabil.az"ın məlumatına görə, Çin Sədri Si Cinpin bunu ABŞ Prezidenti Donald Trampla danışıqlar zamanı bildirib.

"Tayvan məsələsi Çin-ABŞ münasibətlərində ən vacib məsələdir. Əgər o, düzgün həll olunsa, iki ölkə arasındakı münasibətlər sabitliyi qoruya biləcək. Əks halda, iki ölkə toqquşacaq və hətta münaqişəyə girəcək", - Çin Mərkəzi Televiziyası Si Cinpinin sözlərini sitat gətirib.

Çin Sədri həmçinin qeyd edib ki, adanın müstəqilliyinə can atmaq regionda sülh və sabitliyin qorunması ilə uyğun gəlmir.

Stabil.Az