Rusiya hökumətinin xarici dövlət borcu 61,9 milyard dollara yüksəlib

Rusiyanın xarici dövlət borcu, yəni hökumətin xarici kreditorlar qarşısında öhdəlikləri, 1 fevral tarixinə görə 61,9 milyard dollara çatıb.

"Stabil.az" xəbər verir ki, bu barədə Rusiya Maliyyə Nazirliyinin rəsmi saytında məlumat yerləşdirilib.

Qeyd olunur ki, bu rəqəm 2006-cı ildən bəri ilk dəfə 60 milyard dolları keçib.

Rusiya Mərkəzi Bankı bildirir ki, 2026-cı ilin əvvəlində ölkənin ümumi xarici borcu 319,8 milyard dollar olub. Son bir ildə bu, 10,4%, yəni 30 milyard dollar artım göstərib.

RBK tənzimləyicinin izahına istinadla bildirir ki, xarici borcun artımı əsasən rublun möhkəmlənməsi fonunda öhdəliklərin yenidən qiymətləndirilməsi və borcun maliyyələşdirilməsinin cəlb edilməsi ilə əlaqələndirilir.

Stabil.Az