PSJ "Atalanta"nın futbolçusu Şarl de Ketelareni heyətinə qata bilər

İtaliyanın "Atalanta" klubunun və Belçika millisinin futbolçusu Şarl de Ketelare karyerasını Fransanın PSJ klubunda davam etdirə bilər.

"Stabil.az" xarici mətbuata istinadən xəbər verir ki, 23 yaşlı yarımmüdafiəçi PSJ-nin diqqətini çəkib.

Paris təmsilçisi oyunçunu transfer etməyi düşünür.

Xatırladaq ki, Şarl de Ketelare ötən mövsüm "Atalanta"da 42 oyuna 5 qol və 7 məhsuldar ötürmə ilə yadda qalıb. O, DÇ-2026-da Belçika millisində üç qol və bir məhsuldar ötürmə müəllifi olub.

Stabil.Az