Niderland gömrüyü 4,8 ton kokain ələ keçirdi

Niderland gömrük orqanları Ekvadordan göndərilən yük konteynerlərində gizlədilmiş 4,8 tondan çox kokain müsadirə edib.

"Stabil.az" xəbər verir ki, bu barədə Niderland Prokurorluğu məlumat yayıb.

Məlumata görə, narkotik maddələr iki yük konteynerinin müntəzəm yoxlanışı zamanı aşkar olunub. Gömrük əməkdaşları skan prosesi zamanı elektromaqnit qurğularının qeyri-adi konstruksiyasını müşahidə etdikdən sonra daha ətraflı yoxlama aparıblar. Nəticədə üç elektromaqnit qurğusunda ümumi çəkisi 4,8 tondan artıq olan təxminən 4 800 paket kokain tapılıb.

Yüklərin alıcısı Şimali Brabant əyalətinin Moerdijk bələdiyyəsində qeydiyyatdan keçmiş şirkət kimi göstərilib.

İstintaq çərçivəsində üç nəfər saxlanılıb. Onlardan 52 yaşlı Niderland vətəndaşı barəsində həbs qətimkan tədbiri seçilib, digər iki şübhəli isə sübutların yetərli olmaması səbəbindən sərbəst buraxılıb.

Prokurorluq araşdırmanın davam etdiyini bildirib. Müsadirə olunan narkotik maddələr məhv edilib. Qeyd olunub ki, bu yük ölkə daxilində satış üçün nəzərdə tutulub və Niderland tarixində aşkarlanmış ən iri kokain partiyalarından biri hesab olunur.

Stabil.Az