Məsud Pezeşkian sabah ABŞ-yə səfər edəcək

İran Prezidenti Məsud Pezeşkian BMT Baş Assambleyasının iclasında iştirak etmək məqsədilə sabah ABŞ-yə gedəcək.

"Stabil.az" İran mediasına istinadən xəbər verir ki, bu barədə İran Prezidentinin ofisindən bildirilib.

Məlumatda qeyd edilib ki, Məsud Pezeşkian BMT Baş Assambleyasının 81-ci sessiyasında çıxış etmək məqsədilə sabah Nyu-Yorka yola düşəcək.

Məlumata görə, ABŞ hökuməti İran Prezidentinin media heyətinə viza verməyib.

Qeyd edək ki, İranın xarici işlər naziri Abbas Əraqçi dünən axşam Nyu-Yorka yola düşüb.

Stabil.Az