Mərkəzi Afrika Respublikasında silahlılar sərhəd şəhərini ələ keçirib, ölən və yaralananlar var

"Stabil.az" xəbər verir ki, bu barədə yerli mənbələrə istinadən "Ndeke Luka" radiosu məlumat yayıb.

Məlumata görə, hücum nəticəsində azı 28 nəfər həlak olub, daha 25 nəfər isə yaralanıb.

Qeyd edilib ki, şəhərin bir çox sakinləri evlərini tərk edib və BMT-nin MAR-da Çoxölçülü İnteqrasiya edilmiş Sabitləşdirmə Missiyasının (MINUSCA) yerli bazasında sığınacaq axtarırlar. Bildirilib ki, bazanın özündə tibbi yardımın olmaması səbəbindən iki uşaq ölüb.

Radio qeyd edib ki, təhlükəsizlik sahəsindəki böhranla yanaşı, Am-Dafok xəstəxanaların qarət edilməsi ilə üzləşir və bu, tibbi yardıma əlçatanlığı, demək olar, mümkünsüz edir.