Kuril adalarında 4,1 bal gücündə zəlzələ baş verib

Kuril adalarında, Severo-Kurilsk şəhəri yaxınlığında 4,1 bal gücündə zəlzələ qeydə alınıb.

"Stabil.az" "TASS" agentliyinə istinadən xəbər verir ki, bu barədə “Yujno-Saxalinsk” seysmik stansiyası məlumat yayıb.

Məlumata görə, yeraltı təkan saat 07:19-da qeydə alınıb. Zəlzələnin episentri Severo-Kurilsk şəhərindən 76 kilometr cənub-şərqdə, 41 kilometr dərinlikdə yerləşib.

Seysmoloqların məlumatına əsasən, təkanların gücü Severo-Kurilskdə 2-3 bala qədər hiss oluna bilərdi.

Hadisə nəticəsində ölən və yaralanan olmayıb, dağıntı qeydə alınmayıb.

Stabil.Az