Kriptolayihələr 2026-cı ildə haker hücumlarından 1,1 milyard dollar itirib

2026-cı ilin ilk yarısında kriptolayihələr 212 təsdiqlənmiş haker hücumu nəticəsində ümumilikdə 1,1 milyard dollar vəsait itirib.

"Stabil.az"ın məlumatına görə Blockaid-in hesabatında bildirilir ki, bu göstərici 2025-ci il ərzində qeydə alınan oxşar insidentlərin ümumi sayından çoxdur.

Şirkətin hesablamalarına görə, oğurlanmış vəsaitlərin ən böyük hissəsi KXDR-lə əlaqəli hakerlərin payına düşüb. Onların Drift layihəsindən 285 milyon dollar, KelpDAO-dan isə 292 milyon dollar oğurladıqları bildirilir.

Ən böyük itkilər Ethereum şəbəkəsindəki layihələrdə — 332 milyon dollar, Solana şəbəkəsindəki layihələrdə isə 326 milyon dollar təşkil edib. Blockaid ilin ikinci yarısında süni intellekt agentləri ilə əlaqəli hücumların sayının artacağını da gözləyir.

Stabil.Az