KİV: ABŞ-nin Karib dənizindəki hərbi xərcləri 3 milyard dollara çatır

“Stabil.az” xəbər verir ki, bu barədə "Bloomberg" agentliyinin hesablamalarında bildirilir.

Məlumata əsasən, bölgədə hərbi xərclərin artımı 2,9 milyard dollara çatıb. Ən böyük xərc maddələrindən biri "Gerald R. Ford" təyyarədaşıyan gəmisinin və onu müşayiət edən zərbə qrupunun əraziyə yerləşdirilməsi olub. Qeyd edilir ki, bu yerləşdirmə 2025-ci ilin noyabr ayından etibarən ABŞ administrasiyasına təxminən 740 milyon dollara başa gəlib.

Hesabatda vurğulanır ki, noyabrın ortalarından yanvarın ortalarına qədər ABŞ Hərbi Dəniz Qüvvələrinin təxminən 20 faizi bölgədə cəmləşib. Belə bir hərbi qruplaşmanın saxlanılmasının gündəlik xərci isə təxminən 20 milyon dollar təşkil edir.