İran sanksiyaların ləğvi qarşılığında uran zənginləşdirmə səviyyəsini endirə bilər

İran sanksiyaların ləğvi qarşılığında uranın zənginləşdirilməsi səviyyəsini 60 %-dək azalda biləcəyini bildirib.

"Stabil.az"ın məlumatına görə, bu barədə İran KİV-lərinə İranın Atom Enerjisi Təşkilatının rəhbəri Məhəmməd Eslami açıqlama verib.

Eslami bildirib ki, zənginləşdirilmiş uranın səviyyəsinin 60 %-dək azaldılması sanksiyaların tam ləğvindən asılıdır. O əlavə edib ki, İran-ABŞ danışıqlarında texniki və nüvə məsələləri siyasi məsələlərlə birlikdə müzakirə olunur.

Həmçinin Eslami qeyd edib ki, İranın Atom Enerjisi üzrə Beynəlxalq Agentliklə (AEBA) əməkdaşlığı davam edir, lakin 2025-ci ilin iyununa qədər AEBA-nın zəmanəti altında olan obyektlərə hərbi hücumla bağlı "nizamlanmamış öhdəlik" qalmaqdadır.

Stabil.Az