Hindistanda tunel partlayışında ölənlərin sayı 20-yə çatıb

Hindistanın şimal-şərqində tikilməkdə olan tuneldə metan qazının partlaması nəticəsində həlak olanların sayı 20 nəfərə yüksəlib.

"Stabil.az" Sinxua informasiya agentliyinə istinadla xəbər verir ki, hadisə Milli Hidroelektrik Enerji Korporasiyası tərəfindən inşa edilən 7 kilometrlik tuneldə baş verib. Partlayış zamanı tuneldə 25 nəfər olub. Onlardan 20-nin öldüyü təsdiqlənib, 5 nəfərin isə tuneldə qaldığı ehtimal edilir.

Enerji Korporasiyası bildirib ki, hadisəyə qayaların içərisində toplanmış metan qazının qəfil partlaması səbəb olub. Şirkət partlayışın səbəblərinin müəyyənləşdirilməsi üçün araşdırmaya başlanıldığını açıqlayıb.

Stabil.Az