Hikmət Hacıyev və BMT rəsmisi Çərçivə Proqramını müzakirə edib

Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev və BMT-nin Azərbaycandakı müvəqqəti rezident əlaqələndiricisi İqor Qarafuliç 2026–2030-cu illər üçün yeni Əməkdaşlıq Çərçivə Proqramı üzrə gələcək əməkdaşlıq perspektivlərini müzakirə ediblər.

“Stabil.az” xəbər verir ki, bu barədə BMT-nin Azərbaycandakı nümayəndəliyi “X” sosial şəbəkəsində məlumat yayıb.

Görüşdə tərəfdaşlığın daha da inkişaf etdirilməsi, həmçinin Azərbaycanın çoxtərəfli əməkdaşlığa sadiqliyi və davamlı inkişaf sahəsində prioritetlərinin dəstəklənməsi barədə müzakirələr aparılıb.

BMT-nin məlumatında qeyd olunub: “Azərbaycandakı bütün BMT komandası Azərbaycanın davamlı inkişaf sahəsində milli prioritetlərini dəstəkləməyə tam sadiqdir.”

Stabil.Az