Filippində bərə faciəsi: ölənlərin sayı 52-yə yüksəlib

Filippinin cənubunda sərnişin və yük daşıyan bərənin batması nəticəsində həyatını itirənlərin sayı 52 nəfərə çatıb.

"Stabil.az" Filippinin PNA informasiya agentliyinə istinadla xəbər verir ki, bu barədə ölkənin Sahil Mühafizəsi məlumat yayıb. Qurumun açıqlamasına əsasən, hazırda 27 nəfər itkin düşmüş hesab olunur.

Hadisə ilə bağlı axtarış-xilasetmə əməliyyatları davam etdirilir.

Qeyd edək ki, Zamboanga şəhərindən Jolo şəhərinə hərəkət edən sərnişin bərəsində ümumilikdə 372 nəfər olub.

Stabil.Az