FHN Şuşa, Xankəndi və Xocavənddə yolların buz bağlaması səbəbindən köməksiz qalanlara yardım edib

Fövqəladə Hallar Nazirliyinin (FHN) “112” qaynar telefon xəttinə Şuşa, Xankəndi və Xocavənddə yolların buz bağlaması səbəbindən vətəndaşların avtomobillərdə köməksiz qaldığı barədə məlumat daxil olub.

"Stabil.az" xəbər verir ki, FHN-in Mətbuat xidmətinin məlumatında deyilir.

FHN-in Dövlət Yanğından Mühafizə Xidmətinin Xankəndi Şəhər Yanğından Mühafizə Hissəsinin yanğınsöndürən-xilasediciləri və Qarabağ Regional Mərkəzinin xilasetmə qrupu dərhal əraziyə cəlb olunub.

Xilasedicilər buzlu yollarda hərəkət edə bilməyən 2 “Mercedes” markalı avtomobil və 1 motosikletin hərəkətini təmin edib və vətəndaşlara müvafiq köməklik göstəriblər.

Stabil.Az