Ceyhun Bayramov Ukrayna XİN-də Azərbaycan və Qafqaza dair arxiv sənədlərlə tanış olub

Azərbaycanın xarici işlər naziri Ceyhun Bayramov Ukrayna XİN-də Azərbaycan və Qafqaza dair arxiv sənədləri ilə tanış olub.

"Stabil.az" xəbər verir ki, bu barədə Azərbaycan Xarici İşlər Nazirliyi "X" sosial media hesabında məlumat yayıb.

Qeyd olunub ki, sənədlər Azərbaycan Xalq Cümhuriyyətinin Ukraynadakı diplomatik nümayəndəliyinin (Komissarlığının) fəaliyyətini, həmçinin 1918–1920-ci illərdə Azərbaycan ilə Ukrayna arasında mövcud olmuş diplomatik münasibətləri əks etdirir.

Nazirə təqdim olunan materiallar sırasında həmin dövrə aid tarixi sənədlər, rəsmi yazışmalar, eləcə də Azərbaycan və Qafqaz regionu ilə bağlı hazırlanmış hesabatlar yer alıb.

The Minister of Foreign Affairs of the Republic of Azerbaijan Jeyhun Bayramov viewed archival documents at MFA_Ukraine, highlighting the activities of the diplomatic mission (Commissariat) of the Azerbaijan Democratic Republic (ADR) in Ukraine, as well as the diplomatic relations… pic.twitter.com/mjHZdYQCjd
— MFA Azerbaijan ???????? (@AzerbaijanMFA) August 6, 2026