Çad 1,3 milyon sudanlı qaçqını qəbul edib

Sudanda davam edən döyüşlər səbəbindən Çad hazırda 1,3 milyon sudanlı qaçqına ev sahibliyi edir.

"Stabil.az" xəbər verir ki, bu barədə məlumat BMT-nin "X" sosial şəbəkə hesabında paylaşılıb.

"Dünya Qida Proqramı təcili zəruri dəstəyi təmin etmək üçün çalışır, lakin maliyyələşdirmə kifayət deyil, bu da yardım xətlərini təhlükə altına qoyur", - məlumatda bildirilib.

Xatırladaq ki, Sudanda vəziyyət 2023-cü ilin aprelində gərginləşib. Buna səbəb Suveren Şuraya (müvəqqəti idarəetmə orqanı) rəhbərlik edən Əbdül Fəttah əl-Burhanla Çevik Reaksiya Qüvvələrinin komandanı Məhəmməd Həmdan Daqalo arasında ziddiyyətlərin yaranmasıdır. Xartumda başlayan toqquşmalar ölkənin başqa bölgələrinə də yayılıb.

Ekspertlərin fikrincə, münaqişə nəticəsində azı 40 min nəfər ölüb, 14 milyon insan evlərini tərk etməli olub.

Chad currently hosts 1.3 million Sudanese refugees, as fighting in Sudan continues.@WFP is working to provide urgently needed support, but funding is falling short, putting lifelines at risk.https://t.co/019NLYS5vg pic.twitter.com/CSbq7UXKOo
— United Nations (@UN) April 11, 2026