"Bitcoin" bahalaşaraq 66 min dollara yaxınlaşıb

Kriptovalyuta bazarında müşahidə olunan artım fonunda “Bitcoin”in qiyməti 66 min dollara yaxınlaşmış, ümumi kapitallaşma isə 1,75% yüksələrək 2,24 trilyon dollara çatıb.

“Stabil.az” xəbər verir ki,  CoinMarketCap platformasında “Bitcoin”in (BTC) qiyməti 1,95% artaraq 65 610 dollara, “Ethereum”un (ETH) qiyməti 2,25% yüksələrək 1 715,92 dollara çatıb. BNB tokeni isə 1,17% bahalaşaraq 616,21 dollardan ticarət olunub.

Qızıl əsaslı rəqəmsal aktivlərdə də yüksəliş qeydə alınıb. Belə ki, PAX Gold (PAXG) son sutkada 2,26% artaraq 4 319,93 dollara, Tether Gold (XAUt) isə 2,28% bahalaşaraq 4 308,24 dollara yüksəlib.

Bazarın ən çox bahalaşan aktivləri sırasında Zcash (ZEC) yer alıb. Tokenin qiyməti son 24 saatda 14,46%, son yeddi gündə isə 13,2% artıb. Süni intellekt tematik kriptovalyutalardan Bittensor (TAO) isə həftəlik müqayisədə 30,26% yüksəliş göstərib.

Ekspertlər hesab edir ki, kriptovalyuta və qızıl əsaslı tokenlərdə müşahidə olunan bahalaşma investorların risk iştahasının artması, faiz endirimi gözləntiləri və geosiyasi risklərlə bağlıdır.

Stabil.Az