Bakıdakı Dünya Kubokunda iştirak edəcək Azərbaycan gimnastlarının heyəti açıqlanıb

Bakının ev sahibliyi edəcəyi Dünya Kubokunda çıxış edəcək Azərbaycanın akrobatika gimnastlarının siyahısı bəlli olub.

"Stabil.az" Azərbaycan Gimnastika Federasiyasına istinadən xəbər verib ki, yarışda milli komandanın 7 idmançısı bacarığını nümayiş etdirəcək.

Daniel Abbasov-Murad Rəfiyev və Seymur Cəfərov-Rəsul Seyidlidən ibarət kişi cütlükləri, Anahita Başiri, Zəhra Rəşidova və Nəzrin Zeyniyevadan ibarət qadın qrupu medallar uğrunda yarışacaq.

Qeyd edək ki, iyunun 5-7-də Milli Gimnastika Arenasında təşkil olunacaq turnirdə 10-dan çox ölkənin idmançıları mübarizə aparacaqlar.

Stabil.Az