Bakıda Estoniya səfirliyi fəaliyyətə başlayacaq

Estoniya səfirliyi 2026-cı ilin payızında Bakıda fəaliyyətə başlayacaq.

"Stabil.az" bu barədə Estoniyanın Xarici İşlər Nazirliyinə istinadən bildirib.

"Estoniyanın yeni təyin olunmuş səfiri Tiina Nirk hazırda Bakıdadır, Estoniya səfirliyinin açılışı isə payıza planlaşdırılır", - XİN nümayəndəsi bildirib.

Xatırladaq ki, 2025-ci ilin oktyabrında Estoniyanın xarici işlər naziri Marqus Tsahkna 2026-cı ildə Bakıda Estoniya səfirliyini açmaq planlarını elan etmişdi.

İndiyə qədər Estoniyanın Azərbaycandakı diplomatik missiyası iqamətgahı Ankarada (Türkiyə) olmaqla fəaliyyət göstərirdi.

Stabil.Az