Azərbaycan millisi bu gün Tacikistanla yoldaşlıq oyununda qarşılaşacaq

Futbol üzrə Azərbaycan millisi bu gün yoxlama oyunu keçirəcək.

"Stabil.az"ın məlumatına görə, Ayxan Abbasovun baş məşqçisi olduğu kollektiv Tacikistan seçməsi ilə üz-üzə gələcək.

8-ci km qəsəbə stadionundakı qarşılaşma saat 20:00-da start götürəcək.

Görüşü Moldovadan olan FIFA referisi Roman Jitar idarə edəcək.

Xatırladaq ki, Azərbaycan millisi növbəti üç oyununu UEFA Millətlər Liqası turnirində keçirəcək. Komanda sentyabrın 27-də səfərdə Litva, oktyabrın 1-də Bakıda Lixtenşteyn, oktyabrın 4-də Bakıda Litva ilə qarşılaşacaq.

Stabil.Az