“Axios”: Tramp İranı daha güclü zərbələrlə hədələyir

İranla razılaşma əldə olunmayacağı təqdirdə ABŞ tərəfi İrana qarşı zərbələri daha güclü şəkildə davam etdirə bilər.

"Stabil.az" xəbər verir ki, bu barədə ABŞ Prezidenti Donald Tramp “Axios”a verdiyi müsahibədə bildirib.

“Biz razılaşma əldə etmək istəyirik. Onlar hazırda istədiyimiz mövqedə deyillər. Ora çatmalıdırlar, əks halda onlara ağır zərbə vurulacaq və biz bunu istəmirik”, – deyə ABŞ lideri qeyd edib.

O əlavə edib ki, əgər Tehran Vaşinqton üçün məqbul olan yeni təklif irəli sürməsə, İran “əvvəlkindən daha ağır” zərbə ilə üzləşə bilər.

Portalın məlumatına görə, ABŞ lideri İrana qarşı əlavə hərbi variantları müzakirə etmək üçün mayın 19-da milli təhlükəsizlik komandası ilə görüş keçirməyi planlaşdırır.

Stabil.Az