Avstraliyada təyyarə qəzası: 2 ölü, 10 yaralı

Avstraliyada Parafild hava limanı yaxınlığında yüngül mühərrikli təyyarənin qəzaya uğraması 2 nəfərin ölümünə, 10 nəfərin yaralanmasına səbəb olub.

"Stabil.az" xəbər verir ki, bu barədə Cənubi Avstraliya ştatının polisi açıqlama yayıb.

Qəza nəticəsində 2 nəfər ölüb, daha 10 nəfər yaralanıb.

Məlumata görə, təyyarə eniş edərkən anqara çırpılıb. Nəticədə yanğın baş verib.

Təyyarənin göyərtəsində olan hər iki şəxs hadisə yerində ölüb. Yaralananlar isə anqarın yaxınlığındakı insanlar olub. Onlardan birinin vəziyyətinin ağır olduğu bildirilir.

Stabil.Az