ABŞ Prezidenti Venesuelanın iqtisadi yüksəlişini proqnozlaşdırır

ABŞ Prezidenti Donald Tramp Davosda keçirilən Dünya İqtisadi Forumundakı çıxışı zamanı Venesuela ilə bağlı açıqlama verərək, keçmiş Prezident Nikolas Maduronun devrilməsindən sonra ölkənin ABŞ-ın nəzarəti altında “fantastik şəkildə çiçəklənəcəyini” bildirib.

"Stabiil.az" “Reuters” agentliyinə istinadən xəbər verir ki, Trampın sözlərinə görə, Venesuela yaxın altı ay ərzində son 20 ildə əldə etdiyindən daha çox gəlir qazanacaq.

O qeyd edib ki, iri neft şirkətləri bu prosesə qoşulmağa başlayıb:“Bütün iri neft şirkətləri bizə qoşulur. Bu, heyrətamizdir”.

ABŞ Prezidenti müvəqqəti prezident Delsi Rodrigesin administrasiyasının fəaliyyətini müsbət qiymətləndirərək, onların ABŞ hakimiyyəti ilə yaxşı əməkdaşlıq etdiyini vurğulayıb.

Tramp əlavə edib:“Hücum başa çatdıqdan sonra onlar dedilər: gəlin, razılaşma bağlayaq. İnsanların əksəriyyəti məhz belə davranmalıdır”.

Stabil.Az