ABŞ-də qar uçqunu: 10 xizəkçi itkin düşüb

ABŞ-nin Kaliforniya ştatında, Taho gölü yaxınlığında baş verən qar uçqunu nəticəsində 10 xizəkçi itkin düşüb, daha 6 nəfər isə qar altında ilişib qalıb.

"Stabil.az" xəbər verir ki, bu barədə NBC telekanalı məlumat yayıb.

Məlumata əsasən, qar uçqunu məşhur xizək mərkəzlərindən biri olan Taho gölünün şimal-qərbində yerləşən Kasl Pik bölgəsində, Truki şəhəri yaxınlığında qeydə alınıb. Hadisədən sonra 10 xizəkçinin itkin düşdüyü, daha 6 nəfərin isə xilasetmə gözləyərkən çətin vəziyyətdə qaldığı bildirilib.

Qeyd olunur ki, Kasl Pik ərazisinə yaxın xizək kurortu ərazisində təxminən 75 santimetr qalınlığında qar yağıb.

Stabil.Az