“Sülh Qalxanı – 2026” təlimində Azərbaycan Ordusu da yer alacaq

Azərbaycan Ordusunun bir qrup hərbi qulluqçusu Birləşmiş Ərəb Əmirliklərində keçiriləcək “Sülh Qalxanı – 2026” adlı birgə əməliyyat-taktiki təlimdə iştirak etmək üçün həmin ölkəyə yola salınıb.

“Stabil.az” xəbər verir ki, məlumatı Müdafiə Nazirliyi yayıb.

Bildirilib ki, təlimin əsas məqsədi iştirakçı dövlətlərin hərbi kontingentinin antiterror əməliyyatları üzrə peşə bacarıqlarını təkmilləşdirmək, davamlı sülhün təmin olunmasına töhfə vermək və qarşılıqlı təcrübə mübadiləsi aparmaqdır.

Qeyd olunur ki, “Sülh Qalxanı – 2026” birgə əməliyyat-taktiki təlimi 2–3 fevral tarixlərində keçiriləcək.

Stabil.Az