"OpenAI" kiberhücum riskləri səbəbindən yeni modellərin öyrənilməsini müvəqqəti dayandırıb

"Stabil.az"ın məlumatına görə, bu barədə şirkətin veb saytında verilən açıqlamada bildirilib.

"OpenAI" iki həftəlik fasilədən tədqiqat infrastrukturunun təhlükəsizliyini gücləndirmək, əlavə təhlükəsizlik testləri aparmaq və monitorinqi genişləndirmək üçün istifadə etdiyini açıqlayıb.

Şirkət bu qərarı son həftələr baş verən iki hadisə ilə əlaqələndirib: "Hugging Face" haker hücumu və "OpenAI"nin gələcək modellərindən biri olan "Astra"nın daxili risk qiymətləndirmə sistemi tərəfindən müəyyən edilmiş kritik kibertəhlükəsizlik qabiliyyəti həddinə çata biləcəyini göstərən ilkin məlumatlarla.

Bundan əlavə, şirkət model fəaliyyətinin monitorinqini genişləndirib. Potensial təhlükəli davranış aşkar edilərsə, sistemlərin 30 dəqiqə ərzində xəbərdarlıq etməsi gözlənilir.